Hè ora !

Hè ora !

Ora di cambià d’ora per risparà l’energia.

Ora di cambià di vestitu (chì d’aprile ùn si caccia un filu),

Ora di mette menu acqua in u so vinu per ùn more di sicchia issa statina,

Ora di sceglie zeru frazu (è micca u batellu per pruminà a nostra rumenzula),

Ora di pruduce e nostre piantine, frutti è pustimi, arbureti, erba è erbigliule… per salvà ci di tutti i veleni “fastidiosa”, 

Ora di chjode e vaccine è i porchi per empie i “hamburger” nustrali,

Ora d’ùn scaldà più l’aria in terrazza di i caffè,

Ora di prutege u patrimoniu naturale è i matrimonii in natura,

Ora di capisce ch’issu turismu d’oghje ci porta più danni chè soldi,

Ora chì l’agricultura sia di pruduzzione è micca di “suvenzzione”,

Ora chì u Padduc sia rispettatu,

Ora chì i maffiosi sianu sinemà è micca realità,

Ora chì u Statu ùn sia ne cecu, ne sordu, ne mutu,

Ora di cambià u mondu !